សូមស្វាគមន៍ មកកាន់កម្មវិធី «អេប គាំទ្រ» (MEF Support Me) របស់នាយកដ្ឋានបច្ចេកវិទ្យាព័ត៌មាន នៃអគ្គលេខាធិការដ្ឋាន ក្រសួងសេដ្ឋកិច្ចនិងហិរញ្ញវត្ថុ។ កម្មវិធីនេះ បង្កើតឡើងដើម្បីឱ្យបុគ្គលិក ឬ មន្ត្រីរាជការ អាចស្នើសុំជំនួយគាំទ្រលើសេវា និងដោះស្រាយបញ្ហាទាក់ទងនឹងបច្ចេកវិទ្យាព័ត៌មាន ។
ក្រុមការងារសូមលើកទឹកចិត្តឱ្យលោក លោកស្រី អាននូវគោលការណ៍ឯកជនភាពខាងក្រោមនេះគ្រប់ចំណុចទាំងអស់ មុននឹងចូលទៅកាន់ផ្ទាំងបន្ទាប់។
១. អំពីកម្មវិធី
កម្មវិធីនេះបង្កើតឡើងដើម្បីផ្ដល់នូវភាពងាយស្រួលដល់បុគ្គលិក ឬ មន្ត្រីរាជការ ក្នុងការបង្កើតសំណើសុំសេវា និង ដោះស្រាយបញ្ហានានាទាក់ទងនឹងបច្ចេកវិទ្យាព័ត៌មានតាមដានស្ថានភាពនៃសំណើ និងទំនាក់ទំនងជាមួយក្រុមការងារគាំទ្រ ។
២.លក្ខខណ្ឌតម្រូវការ
ក. កម្មវិធីនេះបង្កើតឡើងសម្រាប់បុគ្គលិក ឬ មន្ត្រីរាជការ
ខ. កម្មវិធីនេះតម្រូវឱ្យមានសេវាអុិនធឺណិតដើម្បីអាចចូលប្រើប្រាស់បាន
គ. កម្មវិធីនេះអាចប្រើប្រាស់បានលើទូរសព្ទដៃទាំងប្រភេទ Android/IOS និង Tablet
ឃ. លោកអ្នកត្រូវតម្លើងកម្មវិធី «អេប គាំទ្រ» (MEF Support Me) និង កម្មវិធី CamDigiKey តាមរយៈ Play Store ឬ App Store
៣.សំណួរ និងចម្លើយ
ក. ប្រភេទព័ត៌មានអ្វីខ្លះដែលចាំបាច់ត្រូវការពីលោកអ្នក?
លោកអ្នក ត្រូវផ្តល់ព័ត៌មានផ្ទាល់ខ្លួនរួមមាន៖ នាមខ្លួន អង្គភាព ភេទ ថ្ងៃខែឆ្នាំកំណើត អុីមែល និងលេខទំនាក់ទំនង។
ខ. តើអ្នកណាជាម្ចាស់ព័ត៌មានខណៈពេលលោកអ្នកប្រើប្រាស់កម្មវិធី?
នាយកដ្ឋានបច្ចេកវិទ្យាព័ត៌មានជាម្ចាស់ព័ត៌មាន ដែលប្រមូលបានពីលោកអ្នក ។ ទោះជាយ៉ាងណា ក្រុមការងារ នឹងប្រើប្រាស់ព័ត៌មានទាំងនោះក្នុងគោលដៅឯកជនភាពតែប៉ុណ្ណោះ ។
គ. តើក្រុមការងារប្រើប្រាស់ព័ត៌មានដែលប្រមូលបានយ៉ាងដូចម្តេច?
ក្រុមការងារនឹងប្រើប្រាស់ព័ត៌មានរបស់លោកអ្នកក្នុងគោលបំណង៖
ដើម្បីផ្តល់ការគាំទ្រលើសេវា និងដោះស្រាយបញ្ហាទាក់ទងបច្ចេកវិទ្យាព័ត៌មាន
ដើម្បីអនុញ្ញាតឱ្យលោកអ្នកអាចប្រើប្រាស់មុខងារផ្សេងៗក្នុងកម្មវិធី
ដើម្បីបន្តអភិវឌ្ឍ ពង្រីក នឹងពង្រឹងកម្មវិធីឱ្យកាន់តែប្រសើរឡើង
ដើម្បីផ្ញើសារអេឡិចត្រូនិចទៅលោកអ្នកអំពីព័ត៌មានថ្មីៗទាក់ទងនឹងបច្ចេកវិទ្យាព័ត៌មាន
ដើម្បីផ្ញើសារអេឡិចត្រូនិចទៅលោកអ្នកអំពីព័ត៌មានថ្មីៗទាក់ទងនឹងបច្ចេកវិទ្យាព័ត៌មាន
ដើម្បីទំនាក់ទំនងទៅលោកអ្នកតាមរយៈការប្រើប្រាស់កម្មវិធី
ឃ. តើអ្នកណាទទួលខុសត្រូវចំពោះព័ត៌មានដែលលោកអ្នកបង្ហាញជាសាធារណៈ?
គោលការណ៍ឯកជនភាពនេះ មិនអនុវត្តចំពោះរាល់ព័ត៌មានទាំងឡាយណាដែលលោកអ្នកចែករំលែកការប្រើប្រាស់កម្មវិធី ឬបង្ហាញព័ត៌មានរបស់ខ្លួនជាសាធារណៈ។ ក្នុងករណីនេះ ក្រុមការងារពុំទទួលខុសត្រូវចំពោះភាពត្រឹមត្រូវក្នុងការប្រើប្រាស់ ឬការបែកធ្លាយព័ត៌មានរបស់លោកអ្នកឡើយ។
ង. តើមានការផ្សព្វផ្សាយពាណិជ្ជកម្មរបស់ភាគីទីបី នៅលើកម្មវិធីដែរទេ?
បច្ចុប្បន្ន«អេប គាំទ្រ» មិនទាន់មានការផ្សព្វផ្សាយពាណិជ្ជកម្មពីភាគីទីបីនៅឡើយទេ ក្រុមការងារនឹងធ្វើការជូនដំណឹងប្រសិនបើមានការផ្សព្វផ្សាយពាណិជ្ជកម្មរបស់ភាគីទីបីនៅលើកម្មវិធី។
ច. តើខ្ញុំត្រូវធ្វើបច្ចុប្បន្នភាពព័ត៌មានផ្ទាល់ខ្លួនយ៉ាងដូចម្តេច?
លោកអ្នកអាចធ្វើបច្ចុប្បន្នភាពព័ត៌មានផ្ទាល់ខ្លួននៅក្នុងកម្មវិធីដោយខ្លួនឯង។ ក្នុងករណីមានការកែសម្រួលលើគណនី សូមទំនាក់ទំនងមកក្រុមការងារដើម្បីដោះស្រាយជូន។